كتبت ليك اجمل درر
وقفيته ذي بيت الشعر
منسابه ذي القطره في صفق الشجر
منظومه ذي تسبيح شيخا عود لسانه علي الذكر
وبرضو تقولي لي صمتك كتر
كايسه الوضوح ووصفتها بي وجه القمر
وكتين ينور ظلمتي وياتسني في وقت السحر
وخيبت ظني يا اللبيبه الما فهمت من الشعر
كلماته واضحه ذي برقا شلع خطف البصر
وبرضو تقولي لي صمتك كتر
كلماتي بتهدي الاعما السايقو القدر
وبتنقذ الاطفال وكتين يغرقو في البحر
وبتبقي خرطه للطيور لمن تسيب أعشاشه وتفر
وبطيب خاطر إنسان قلبو انكسر
وبرضو تقولي لي صمتك كتر
وأنا العبرت لمن لساني فتر
واصبحت ذي الزهره النابته في منحدر
كل مايهل ربيعا يجيها سيلا وتنكسر
ليست هناك تعليقات:
إرسال تعليق